Poetry in 2011 In Pursuit of Freedom Find me on Twitter Contact Ayekpa Asaba Subscribe to the updates Find me on Facebook

Hada Samadon Ayangba

/ /
A poem by B Jayentakumar Sh, performed by Mangka and translated by Bijoykumar Tayenjam

Hantre!

Hada samadon ayangba
Marjing laigi khongnetsha
Heingang chingda khubamya

Yanggoi riba langgoi sha
Kouge nangbu Chinglemba
Sagal tufang lamba sha

Thawai hap thingjanu mikup mihun thing jalu
Adungei asibana samadonbu tharak khiba
Malem ase karam no leisem nungsen yararoi

Atiyana semkhiba khoyum khoiji nungdagi
Chingu Marjing thoi thoibana samadon bu thakhiba
Natte nanangbu puthanaba

Natte lourang suba sing
Huyen langsang mayok shani
Lamjen khurup yangba sha

Arambai ge khutsuna Meiteina awabu ngamkhiba
Langgoi nangi napalna lanngam firal thetkhiba.
Khunung sei sak seirol da ngasi faoba seithari.

Nangbu tongnga chinguna sagol khangjei sanaba
Khoyum laigi haktaktei ngasi faoba kaidari
Malem sinna khangkhiba Meitei sagol lampeini.

Hada samadon ayangba
Marjing laigedi khongnetsha
Hada samadon ayangba

Yoibu yoihen talliba sanou naha panggal ba
Nungcbi u sagolbu thoujal bi yu makhoibu
Sagol kangjei yokhatsi mingchat uron khillammu!


Translated by Bijoykumar Tayenjam

O Shamaton Ayangba[1]! Mount of Lord Marjing[2]
Choosing Heingnag hill as your abode and staying there, O Riding animal!
Let me call you ‘Chinglemba, the graceful animal’ that once had wings.
To uproot sword beans and put a stop to multiplying of humans
Lord Ashiba[3] had once sent Shamaton
‘Alas, what has befallen on the Earth, no creation of life would be possible!’
The one Lord Atiya[4] brought forth from His navel
Lord Marjing Khoikhoiba had captured Shamaton
You are not beast of burden, nor animal for ploughing fields
You are for fighting in battlefields, O animal of great speed!
With the help of Arambai [5]weapon the Meities had defeated Ava[6]
O Riding animal, with your help, the flag of victory was flown.
The story is narrated till today in ballads.
Gods played polo riding on your back
The tradition is kept alive from antiquity when gods reigned till date
It is known all over the world only because of you, Manipuri Pony.
O valiant youths striving for the betterment
Please love the ponies, please be kind to them
Let’s encourage and promote Polo, and make it immortal!

[1] Shamaton Ayangba - A mythical winged horse, believed to be the progenitor of Manipuri pony
[2] Lord Marjing - Lord Marjing Khoikhoiba, a god of the Meitei pantheon who introduced the game of polo to the human world
[3] Lord Ashiba - Another god of the Meitei pantheon who created the Earth
[4] Lord Atiya - The Almighty God, Atiya Shidaba of the Meitei pantheon
[5] Arambai - A flying lethal weapon thrown from horseback
[6] Ava - A kingdom that once existed in upper Burma (Myanmar)


Hada Samaton Ayangba | a performance by Mangka
https://www.youtube.com/watch?v=dmOpLMrlxzU



Shatlo Leirang Shatlo

/ /

Shatlo leirang shatlo
Leirang shatlo, nahak shatlo

Pomna, fongna, soomhatlo
Eigi pookning eigi thawai

Kathoklage
Eigi pookning nangi fajabagi wakhalda

Kathoklage
Eigi thawai nangi fajabagi ironnoongda

Leirang nahak shatlo
Mapham keidasu udare fajaba
Mapham keidasu thiruba fangdare
Nahakta nattana

Leirang shatlo, nahak shatlo
Pomna, fongna, soomhatlo
Atei mapham keidasu phangdraba
Phangjarage nangi fajabada achumba
Shatlo leirang shatlo
Leirang shatlo, nahak shatlo
Phangjarage nangi fajabada achumba ||

Yumgi Wakhal

/ /
Yumgi wakhal khallaroige eihak
Yumgi wakhal khallaroige eihak
Ei yumgi wakhal amuk hanna khallaroi
Karigino aduga houjikphaoba
Yumgi wakhalta eihak khanduna leiriba?  

VDF

/ /
Ahanba chayol
Nungtigi hakchang sajel
Nungtigi poong ani-ani
Anisuba chayol
Nungtigi Rambo cinema yenghalli
Anisuba chayoldi Rambo cinemagi chayolni
Rambogi cinema part khudingmak yenghalli
Ahoomsuba chayol
Lamdamsigi tam khudingda
Thabak posting tahaalli


Wahei mang-nga tara
Eikhoi emingsi Village Defence Force haibani. Defence ki force ni. Village ki. Manipurda village mayam lei. Ching gi village. Tamgi village. Imphalsu village amani. Eikhoi Imphaldasu posting tai. Eikhoi arappa tamgi maphamdasu posting tai. Eikhoidi eikhoigi ithakki oppisar singna haiba illi. Makhoina hairakpa waa indaba ngamde. Eikhoi makhoina haiba khudingmak touwee. Eikhoidi Village Defence Forceni.

Touningbatta touro tamnarai

/ /
Number four kaapkera yu thakkera
Gooli chagera ganja thakkera
Touningbatta touro tamnarai

Awang BOC da keida watte
Ching-gi lambida chenba turelgoom
Erei kanna heitharakli somda
Excise ki mee da huzoorda piyu
Makhoigi pipham thokpa sen khara
Aduga yoongsiloo kaapoo ching-ngoo
Aduga hoomkhatkho erei kanna
Nishagi mayaina kaothuktuna
Haatnariba sinnariba mayam
Awabagi toongnapham oiriba
Eikhoigi leibakta nungaithokpa
Mee na karamna kallak-oidage
Number four kaapkera yu thakkera
Gooli chagera ganja thakkera
Touningbatta touro tamnarai |

Leikaigi machi-machidasu leiri
Leirak khuding-da wattana leiri
Komm-na khoon mayam amasu leiri
Mang-ngagi taraagi koon koonthragi
Oinajaduna sha-nga-ga hidakka
Laosilloo osilloo makhoisingsda
Aw-obagi pela pisinbiyu
Leibakki thoklaklaga oijaba
Thidoona matu gi sana saba
Thikadar mohori makhoisingda
Makhoigi yoomgi changphamda thong-ganda
Laosilloo osilloo mangsiloo
Number four kaapkera yu thakkera
Gooli chagera ganja thakkera
Touningbatta touro tamnarai |

Pangal khullakta lem-paangna amuk
Gooligi streep mapaak-mapaak kaya
Leikaigi macha kaya amasu
Phuritkhao tongna tongna chatnari
Angoubane higokne araangbane kaya
Makhal-makhalgi machuda looplee
Uiree khotlee nungairee penthoklee
Ahoi! Eikhoina toong-gee yoombeenee
Eikhoi ni toong gi asa
Number four kaapkera yu thakkera
Gooli chagera ganja thakkera
Touningbatta touro tamnarai |

Khunnaigi mingsel loinasillonda
Ahansing-gi wari-wataisingda
Leibak leihao chanaraba leibak
Eikhoigi leibakni ganjagi leibak
Oiraibiduna sagatpiyu manglaangi leibak
Nganthakna nungaibagi yoombini
Hidak manaana fajaba fijolni
Meiroona awat-apaa leitanabani
Ganjana eikhoigi lainingni
Gooli chagera ganja thakkera
Touningbatta touro tamnarai
Touningbatta touro
Touro touningbatta||

Akampet

/ /
Lei yamna lei
Mamaina mathoonda panba
Wakhalna amaangthongdagi khanba
Mee lei yamna lei

Thengnei noongtigi thengnei
Kangjeiboongda hoijillaga
Morok mei tharaga
Cheiraak piba yaraba
Makhoiga thengnei noongtigi thengnei

Oktabaga oktabiga mayamna thallaba lamdamsida
Chaokhattraba meemang thokpa ngamdraba eidi
Chaokhattabagi wakhalsina meemang thokle
Thampham leitraba emaise lotpham leitre
Ei tasengna khang-ngee
Eigi emai ethoonda paal-lee
Eigi wakhal amaangthongdagi khal-lee
Eibu Kangjeiboongda nattrabasu kaa amada
Pusinbiyu morok mei thabiyu
Eibu cheiraak pibiyu
Asigumba lamdam asida poklamlibasi eigi maraal oihanbiyu ||

Bandhaan

/ /
Leitabana loire punsisifao meegi oikhigadoure
Laambanasu yadare chakkhaona wakatlakle
Bandhaan sidang loubihoudaba yade
Nongmei maru manga, bomb macha amakhakkani.



Shing shingbool

/ /
Yengningladana yenglui
Eikhoigi soorongi mami mayek masak magun
Manglamchat toonglamchat
Yenglui chatna chatna

Mahousagi fajabagi toongnapham oiriba ookoo, leipung
Mapham aswaidani eikhoigi wari leiriba
Nonganbadagi eikhoina toongsillee nummitaba faoba
Eikhoida leiriba lousingkhei’ leiriba maphamsingsida

Lousing yennadragana eikhoi poolee
Eikhoina poonbagi maram amatani, ani soona leite
Ahaoba chak, ahaoba hinzang, ahaoba sha nga
Chakcha-heizanapham eikhoigi amata oibagi wakhal phongdokpham

Ngangnasee sannasee khainasee hairagana wathee
Poonsee poonseensee hairagana thibong chaminasee|

Shing shingbool machase soomangda leiriba
Leiiyba natte, lemhoubani mamanggi chak chanabada
Nong nasu loina chotle, sijinaphamsu leitre, yambasu natte
Langthokhibada karimata mangloi eikhoida, langthok-khrasira?

Khunnailon

/ /
Matam asigi khunnai
Eikhoigi matam
Eikhoigi taibangpal

Tangdu leitaba
Nong gumbani, ikang panthagi
Tarakkhidraba taraklaroidraba

Mannaba
Lairabaga inakkhunbagi marakta leiba marigumbani
Eikhoigi mannaba khunnai

Manglamchatki wari
Ayukki walking gumbani
Maning hallaga chellasu kaide

Nungai-yaiphaba
Bazargi amot-akaina khang-ngi
Segak-kaikhei nungairi, yaiphari

Taiyonnare taibangpal
Eikhoigi sooron naronna kari haihougani
Matam asigi khunnai||

Koubruleikha blues

/ /
Nongju tha, ing-ngentha, hoomni marini chanba
Matamgi khongleina pooraktuna
Koubrudagi Kangla, Kangladagi maikei marida
Leirare eikhoina hinglare matamsida

Numittuni Koubruleikhana tengthahouba
Athingba yaodana magi lok ta chenthahouwee
Thing-ngamdraba lepnaidraba pirangna
Mahakki maruploi mataroi singna tamlakkhi—

Koubrugi wari kaore eikhoigi sooron-na
Akaobana ethou oire eikhoi mayamgi
Ethou olle Koubruleikhada chattuna magi tengtha esei tabana eikhoigi 
Tengthabadudani wajabadudani Sekmaigi machin-na penjariba|

Thabak thiba chatnaba thourang touba

/ /
Lairik tambagi amata ngairaba maramdi thabak toubani
Hainei laisu khanglagana athoi-ahenba oibasu ngammi
Masini sharaba kalen numit asigi lousing khara lousinba yaba
Pukhrida irurure zhom laona cheithaduna
Mureinaba khangrou see ama angouba phormal phurit ama
Jelembu machugi tie ama leather gi wangtak-touba khungup ama
Famli chatpabudi yarabani aduda kari chittha nanthahouba|

Eikhoigi kiethelda fangli thabak makhal kaya marang yamna kaidana
Mingselgi oopoo amada thamba mamal thaba potchei yonba’dumaina
Aduna 10 pass toubakheigi, adana 12 pass toubakheigi
Maduna graduate’kheigi, madana MA loiba’kheigi
Adubu thabak marang kaidrisigi maram lalhoubagi irang leibagini hai
Kharanadi eikhoigi leingakpasingda thibong-thiril yaodabagini hai
Aduga amuk kharanasu hai tougebu khalladi thabakti adoom marei
Amabu oiro amabu oire, ei loisinba loire thoknaba tourage|

Lairik tamlaga thabak fangnaba eihak kanna hotnajarakli
Thabaksidi soiba yadabana graduate-ki exam du faoba thahankhi
Eikhoigi khangnaba ahan amakhakta thahallubani
Atei kanada hairuba natte
Thajei masida akaiba karisu leite
Maramdi thabakna khwaidagi maruni
Sardibiget tudi adoom sarasu yabani|

Gormengi rate loinamak lei thabak khudingmakki
MCS kina lakh nifoo dagi yangkhei faoba
DSP gina kunthra SI gina taramanga
Skool ojagina tara klaakkina manga khittani
Sel mantiknabasu tamjarakle tamluba mahei kharadagi
Yam-yamdaba yumda sel kharasu lepsinduna thamlabani
Houjikti setliba khangrou litliba phurit pooliba tie tongliba khongup
Mayamsiga khwai chanaba thabak tuni eihakna pamliba
Kiethel ngeihak karukhige, thabak khara thirukhige||

Kangaonaraba lambi

/ /
Faa-na faa-na nanthoklakle
Tapna tapna lapthoklakle
Eyumdagi ei, ei leire
Houjikti miram asida eyum saduna
Punsigi marek mahao fangnaba
Marek mahao yaodraba punsida

Khanghoudana hongkhiba —
Meekap miraokholna meenin, achouba leibakta khongba nin
Chingsang napomna akanba noong gi achouba awangba yum sing
Sak manaramba mee singna manadaba mayam sing
Chunajaramba leibak leihao leinamna miramgi masagi masak
Anouba yawol ehou gi khonjelna ahouba nungai yaiphabagi khonjel —
Khang-houdeda hongkhiba.

Faa-raga nanthoklakpa, tapna lapthoklakpa lambisida
Eigi eyumgi maikei kaosillakle
Eigi eyum kadomdano?

Cheklagi kaidongpham

/ /
Mahousana tamlamlabra nahakki laibak
Miyoibagi chatnarolna leplamlabra nahakki laibak?
Punsi machet amatani napamlam
Punsi mapum napulam
Karidi hairuni kaidongpham khangdrabada cheklana
Kallakpa yambanara kanjaoba yaobanara
Miyamnadi hairi nahakki nayumdi nupagi mayumdani.

Mantri a.k.a. Mohori

/ /
Eigi hakchangse lai ni, lun ni
Eigi hakchang sijinabana eigi punsi lambini
Eigi hakchangna eigi pumnamakni
Eigi hakchang yonjari, mamal lepchari
Eigi eming Mantri kouwee
Eigi atoppa eming Mohori kouwee.

Lambi thong amasoong atei wathising

/ /
Poong tarook yachangakpa ngekk famtharui
Bus khongsandoure nongpoklom’ yumgi maikeirom’
Karibu leirigaba yumda
Leiri eigi thawai yumda
Penna phaorakkhiba mikuptuda
Thougatlakkhi tapna bus-tuna chinglambiromda
Amuk tapna thoudarakkhi bus-tuna tampaklomda
Kakhat-kumtha, thougat thoudha
Numidang adugi lambini eigi panthoongphamgi |

Poong taramathoi Jakhalabandha
Chapham thakpham ngeihak pothapham
Emana pokpadagi aduk theena haotaba tan charaktri
Imangda phamliba eigi emana sakkhini
Nakandana famli edomcha
Makhoi anina bus mayaiwaida famduna lakkhibani eina cabinda |

Nongyai yamna sooktaba umang manung amada
Paaklaba ching-gi lamgi paaklaba lambi masaangduda
Lunna-lunna khotiposs kaya yoonghouwee
Samu yekpa, samugandha yekpa, sha-uchek yekpa
Ayakpa-awaoba komla machugi tha mahaksu ngaiduna leirambada
Wahang kaya chongthorakkhi
Khongchat amasoong panthoongphamgi
Paokhum ama fangdringei tha madi keku-lotpi saana’ hourakkhi
Maana amuk haitharaga yengak, eina amuk haitharaga yeng
Bus adugi chaora-tharaba thongnaogi marumdudagi |

Poong ama khung-gang ama
Thagi mangal bus-ki mangal atei numingdangdugi mangal
Mayek sengna angouba rung-na maikei khangnaba leiyee yeklaba
Chottak-chottak touba seet nanba lambi adugi nakanda houri
Ayekpa laigoom fajaraba amonba nappi singbi
Oo macha-macha kaya pambi macha macha kaya
Oofool maru amafao’ marup toudraba
Amot-akaibu yeknaba oina thamkhraba
Khung-gang adugi lambi adu eikhoigidi yeknabani
Thajadraga Nagam’palgi lambida hangbiyu
Thajadraga Sagolbandgi lambida hangbiyu |

Poong ahoom Dimapur
Tha mahaksu awaoba angouba matum ama ollamle
Naitom taraba numidangna eihakki hakchangda haplakkhi
Maagi awaba sarook khara eina esana yana loujakhi
– Leingakpana kanano huranbana kanano
Yawol ehouna karino lallon-ittikna karino
Ngeihak karimata khangdaba makhei’ khak-khak nakkhoklui
Ehe! Khangkham-hek khammida mathong chadaba bus asisu |

Poong mari khara hellakpada hougatlakkhi amuk
Thekna khoina leen-abopkum chatli lambiduna
Tapna tapna numitsu maikei khangdaba mafam amadagi thoklakkhre
Lambida akoibada kuplamba apaba amuba machugi fijol adusu tapna tapna louthokkhre
Khuthek thiba loidringeida pumngan ngallaktuna lakleh anouba numit amamuk
Karino masidi! Lambi adugi mathakta chingchep adugi nakanduda
Lasing goomna mollaba taibangpal-muk chaoraba leichil mapei-mapei
Olangtha asida asigumba matousidi
Leirung-muk saraba eikhoigi lai-leibak Delhibu karemnabani usittabani
Makhoi achamba leichin natte NSCN gi makhut soidana yaoramgani |

Poong manga Lalmati
Moreh kilometer chani-hoomphoo Kohima taranithoi
Mayek eseng-sengdana noong amada eeba urakkhi
Manipur rice hoten amagi nakan amada bus khamkhi
Potloom amaga wakhal amaga loinana bus-tudagi eisu kumtharakkhi
Koirapna yengluraba matungda sana konung gi thongjao adu ookhi
Chamkhatpa ngamlamdraba churup adu khangcham-chamkhattuna
Ening takhattuna chensillaga awabaga nungaibaga yannaduna sor mapi honduna
Sana konung manungda famduna leiringeiduda nupa amana mapandagi laorakkhi
‘Khara khara thun-nase khara khara thun-nase!’
Miyoibagi awaba nongmeina khangde, sen-na khangde, amangbana khang-ee
Thoklakpada sana konung gi angakpa mitrangnara
Mafam adu fajabagi toongnapham oirambaduda haraokhi eihak penjakhi
Awa nungaigi wakhal mayam adu thadoklaga
Fajabagi mafamda eihakki pukning katthokhi |

Poong manga-makhai Zakhama
Tha mahakna chingdol amagi mathhakta amuk karigi karam’na saatlambano?
Madu khangdrabasu hui khara faasi touduna hatpagum thourida yal-houwee
Numit aduda insang haona chaba imung masing hengatlamgani
Aduga thajagi paokhumdu khangdrabasu Zakhama lambina haihouwee
Leingaklonda Meiteiga Nagaga oonkkhatnarabasu
Thang satnarabasu Meiteiga Nagaga amattani
Eikhoigi sak Meiteigi sak chap mannei
Eikhoigi koilas khutha Meiteigi koilas khutha chap mannei
Eikhoigi fattaba lambi Meiteigi fattaba lambi chap mannei |

Poong taret Manipur lansillakle
Anouba wakhal anouba pukning kayaga loinana
Leibak ningdaba eihakna Manipurgi kari khalli
Naamingdu faoba lamdamsida leiriba furup amatagi wahei karigi oidribano
Khamban aduk chaoraga nadom lepchaba karigi ngamdribano
Pumnamak oidaba ngaktani namthakni
Mao gateta fangba heikha adudi awoibani asengbani ahaobani
Kommandona hatokpikhraba pakhang anigi fura urakkhi
Tadubi yourakpada khamkhi bus aduna haana khamamba mayam amasu leirammi
Lok macha amagi nakanda mee mayam mamit mamai maaya sengli
Masak fajaraba mamai thirrap touba nupa anina Fer n’ Luvli teiri
Asomdana cha thaknari achapot channari churup thaknari wari saanari |

Poong nipan Leirouching
Thekna koina laklaba ngeihak matungda echao chaona leiramkhi chingjao ama
Foura muk pakna naitom tana masak mangal thokna leirambaduda
Masak khwaidagi fajaribi ningthirabi leisabi amagum leplambaduda
Khanghoudana nungaiba pao ama tabada nungaibagum
Punsigi lantheng macha ama maipakpada haraobagum
Eihak nungaikhi eihak haraokhi
Adubu punsida yaodaba natte tadaba natte
Marupsing-ga nungaina leiringeida nattaba nungaitaba pao
Adugum nungaringei, haraoringei tallaktuda
Urakkhi miyoibagi akhuba mityeng gi chaora-laoraba akaiba
Mangthokpiraba miyoibana mahousabu
Kommandoda nongma sakthu touro hairubagi kallak-khiba licheigum
Miyoibana mahousabu karim’ haijadrabasu kanbiri licheina
Apenba fang-hallabasu maraal leijadrabasu cheising khangdana cheirak pibiri |

Poong mapaan tapna tapna thoudarakkhi
Tapna tapna chap yoong-lakkadouraba lambi masang aduda
Ching-ga tampakkana semba eikhoigi Manipur
Bengolgi oja mayamna fongba lairikta yaori eikhoigi hourakphamgi wari
Bangladesstagi purakpa not sankeertonna eikhoigi enatni
Senda thawai hakchang luppa suningdaba lemja chaningba eikhoigi chatnabini
Mayamsidi nesenel haiweyna khangbidedo
Adubu khangli ngasisu eyumgi lambisidi
Pukning yumgi thong-gal lansillakpada faoba
Taibangpalgi machi atoppa amada faoni thajadedo ||

Maikhansigi marumsida

/ /

Maikhansigi marumda lumli,
     eihak punsigi marek mahao louri
Maikhan asina leiramdrabadi wajei
     naronda kari tougani kijei |

Wanglaba sambal, tharaba fucklang
Leiramdrabadi maikhan asi
Eidi norok taramba tare
Eidi ekai meichak, meihouramba tare |

Laori, khongli, oinajari, pennajari
channari, nungainari, tounari, chatnari,
hatnari-soonari, noksinnari, kapsinnari, ngangnari
Amangba marakta poot-thanari
Paath-thi komthi lakta iraknari
Hing-gai namba marakta namm-nari
Hingnabagidamak, chatnabini-hounabini
Makhoigi maikhan marumda |

Maikhansigi marumsida mangli manglan
Punsigi panthungfam ||

Leibak macha

/ /
Hourasira yahou houjikpu, sendrang makhon yen makhon
kayaga loinana anouba numit amuk yakaire, adubu keidouruni
Leibak Macha eihakna asuk nganna hougatlaga; hougatkadabagi
saruk manglan kharaga sagatkhige; chariba, thakliba, kappiba,
khudingmaksu eidi kathok-khrabani; aduga houbu-houraba
yahou, uragani soidana yengningdraba oja, lai, amasung atei
leibak-ki macha mayam ama — aduna makha tadabida feijup
asi chingkhat-tuna ei, ngeihaktaga chepkhige

Hek hougatpada famelda kheini-churuppu leirammadi numit
ama houba yajariba Leibak Macha eini; palem ema ebemmana
chak tusu loisinbirammadi, chakkhom khara hukchillaga eikhoigi
klubki pukhri mapanda yoongba rellingda — sembang na eikhoigi
mayai kada, yachang-ngakpada makhel langba makhei yan-bagum
— eihaksu emanaba sing-ga yalluba yarabani

Nongmagi, nungtigi, toupham thokpa kharadudi touhouge;
meena tourakpa thabakta seedha-houdrabadi, makhoibu
thana-houdrabadi numit adu nongthi-nongmangbada kaikhiba,
nakhiba hakchang sarukta fudhorakpagum faojariba Leibak Macha
eihakna kanabu chittharammage, kanabu khut tharamdrage;
masigumbasing asibu toudragadi eibu eini esana esabu
karam-haina haigadourige

Kayam kanna’ bu hotnariba makhoina: daktar, engineer,
ukil, oja-nungja; thagatluraga naapal chaokhi-nabani,
masa chadana matu choongba makhoina fakhraga
Leibak Macha eingonda karibu kannariba; aduga mee
ateinasu tounadaba natte — meebu chang-hat-hatpana
eikhoigi furupki chatnabini, khunnai amada hinglabadi
chatnabising asibu yaorudaba, thugairuba yaba pot natte

Makha leikairomgi oja mayamdusu thoraklabadi mee kana
amata yengda, nongmagi kummei houba yarabani; yakairol
oina Saikul lomdagi porakpa mana-masingdura, Moreh
lomgi makup-singdura khara tousillabadi penjaradabani;
eikhoina chariba nattaba chinjak mayam asi leibak kidamak
chajabani — henjinduna sirabasu, soklaktuna sirabasu,
sibei-siba leibak ki damak sigadouribani haiduna Leibak Macha
eihakna chetna wasakcha-khrabani

Nungaibagi, tangdu leitaabagi chang olliba sen-gadu khara
leirabadi habi-jabi, hen-ten, karino thabak amatang touge
haina khallaklibasi kuirabani, adubu nongdamba manasu
tambiramdare Leibak Macha eingonda; keidouruni sigadaba
punsini, ngeihak nokni, ngeihak kapni — see’ mangaidana
hingba haibabu; touwigumbasung kamandogado amuktang
oijarabadi, thikadargado amuktang oijarabadi, gormen’ skoolgi
ojagado amuktang oijarabadi....

Taibangpal asi fagini adubu, mayamna hainabagi matung inna,
lan-thumna asengba oiramle eikhoi miyoinabana khanba-ngambagi
mahei; masigumba mayam asi khangnaba, Leibak Macha eina
thajabadi khunnaigi mayokta leiba mathou tai; toubatabu khutta
paiba etaogi, yada hookpa echagi, kutlaobana eigi

Haire watathi, haidre wa mang-ngi; kannade makha tarubagisu;
kalendana saade, ingthamthadana ingde nongallakpagi matamsidi
karibu hairuni, Leibak Macha eingondadi nungaijakhare, matam
haiba mahousagi khongleisi angakpani.


Yong choirol

/ /
Matam amada
machin tongba
hanubi amana takpirammi
Matam amada
laiga miga samnarammi
Matam amada
amuk kainakhi
mina akampet ngangmanbadagi

Nongmei ama-mam
yepladuna makhwangda
makhoina hairambadi
mikha pondaba
madom lepchaba ngamba
tangdu leitaaba khunai ama sembani
Toubatabu niriba senpham adu
mantiknabi-dabani

Miraokholaktuda
miyamna laoribadi
makhutna paiduna makhwangda
leiiradi yonjage, yolladi leiijage,
thadajage bhot-tusu mirep leitrabasu,
yurem thakpa-thaktabagi,
wakhal mirang thangbagi
warisingduna ama oikhraga

Sana konung manungda
leingakpasingdi nungairi,
Oktaba-oktabi
kaya loinaduna, oinajari
A-oba amangbana thallaba
taibang ama semli

Ateidi mi natre
yong eigi mityengda,
aduga hairamlabasu hanubiduna
lamdam asida houjikti
onkhare lai,
angamba-akanba kaya ama
miyoiba kaya amasu leire
yong eiga chap mannaba

Yong eina pambadi
mapok sida mi oina poklamdrabasu
migi maikhum uptuna
mi amuktang onjage,
u-sa maraksida
chong-chongduna,
amuktang oirabasu miyoibani haijahouge.

Numidang wairamda koiba chatluba

/ /

Gari mataduga Bamon Leikai gi thong-gi khungamduga
Eina Tombada hai', kumnaba
Ma' kumtharagadi thougatpa ngamgani eina
Ta'Enao workshop tagi second hand da leijaba eigi scooterna
Moan ani-animuk loomlaba akhoinibu poo-thang-ngamdrabada
Khekna houna makhol thoklak khibani motorduna turel mapanduda.


Tapna thouwi amuk, yotki thong mathaktuda
Thoudei amuk, laimai haifet manaba lambifaoba
Khang-houdana huinao kharana tunglomdagi khonglak-khi
— Bow bow! Bow bow!
Khangprek hek khang-ngi 
Tongkhat ke touramba Tombasu phan laona chong-thakhi.


Huinao mayam adudagi machin tongba, maya chouba amana laorakkhi:
"Akhoi hui ni, nakhoi kanano?"
Kallapna mahakna amuk Tomba romda onsinduna samtharak-khi:
"Nahak keidoubagi gari dagi kumthahourino?   
Nahak keidoubagi gari da amuk tongkhatlibano?"
  
Tangaifadana tamjakhi akhoigi awaba
Khangbikhi akhoigi wari, hui oijarabasu meeron lonbanina.
Akhoini amuk thouwi scooter, waa amata ngangnada






Kurak langtaiba

/ /

April su yourakle
Kalensu loiinarakle
Sajibudi yumda leihoure
Ching kabasu kaokhare
Thajadaba marakta mangkhare
Thajadaba ngak' ngai-khare


Tha masingna langtaiba
Matamna manaba
Khoidou saogatpana ahenba
Achumbana aranba,
aranbana achumba


Tatkhrasanu
Chelliba matamgi echel
Mangkhrasanu
Matamsigi wakhal.


Anouba chahi
Anouba mayon









Related Posts Plugin for WordPress, Blogger...
Creative Commons License Numit Kappa - Meiteilon Seireng by Arambam Kapil (A COLLECTION OF POEMS IN MANIPURI) is licensed under Creative Commons Attribution-NonCommercial 3.0 Unported License
 
Copyright © 2010 Numit Kappa, All rights reserved
Design by DZignine. Powered by Blogger