Feijom jagoi

Koti kunthrahoomdoi,
Baaton namba nupa aduna
Mamit mana yoong-khatlaga hangak-khi
Mapukning da maka lamliba adudi ukhi
Batonbu asuk yamna namnabra,
Eina amuk khummi,
Koti ahoom amasu watli
Adubu masak ka maming ga khangdabana touraroi.

Eina ejei:
Nanaida pinabire maktraba thoujal
Ekaikhumnaraba oja mayamna lengbiraktuna
Nanaina katchariba jagoi asi mityeng tabiyu
Lafoi katchage
Yubi katchage
Tairen mana khikchage
Katchage mapu gi mafamda jagoi amatangsu
Lengbirak-u, chaalaba nanai, ei.

Eina pelladuna, thoujal fangladuna
Mapu mabungo mabemma makhoida
Makhoigidamak sinjakhi jagoi thouram ama.
Thourangkhi, hotnajakhi yamna kanna
Yaifaraba numit adugi damak.

Ngairammu haiba yadaba matamna lakkhi
Chaoraba lai lampak aduda tillakhi
Lai mayam: akanba lai, masak fajabi,
Angouba, amubi, awangba, atheeba,
Mamai seet nanba, mamai pandaba lai kaya kaya
Lapna yengbada khoi mahum goom mankhi
Asomdana eina kanna loisilli
Khamen chatpa feijom, Ley-son phurit
Namthang khuthat fiban chanba.

Sekmai gi machin do anirak ahoomlak yotli
Wangkhatlaga semba laibung aduda kakhatli
Houna esei tharakkhi chaoraba maayek lisingmuk adudagi
Eina thekpa houwee khut, khong amuk kaowee
Amuk thek-e, amuk kaowee
Ras leela yenglubei, Sankirtan yenglubei khangladuna tanthasing
Amuk thek-e, amuk kaowee
Pelladuna lai mayam aduna waa-waa laorak khi
Taibangpal pumba lai-nin na ninkhi.

Sel mapei mapei tharak khi
Pelladuna eina laothuklui
Mollaba eigi phurit
Sabadi lepte jagoi, amuk thek-e amuk kao-wee
Khanghoudana langsillak-khi
Amangba gi laina amangba matum-matum
Sabadi lepte jagoi, amuk thek-e amuk kao-wee

Vishnu Puran Bhagvat Puran Geeta Govinda
Thengnarure sengna mamut taana tambirakpanina
Adubu mapu makhoigi mafamda
Eina apenba nungaiba henmankhiduna
Feijom dusu louthuklui
Adudagi eina niksillui, eina khapchillui
Eina chongsillui, eina haijillui
Adudagi eina uba fangjakhi
Feijom thokpagi laina akhak-araoga loinana laorakhi
Mahadevna mamit uisinduina raga loukhi,
Sarasati na hang-goina yenglak-khi
Adubu apenba-ngaobana henkhiduna
Fi thongdrabasu hakchangdunadi laiyam adubu
Pelhallage matagum niksilli
Nungaihallage matagum khapchilli
Haraohallage matagum chongsilli

Mapung fakhi eigi jagoigi thouram
Amukkasu
Pelladuna lai mayam aduna waa-waa laorak khi
Taibangpal pumba lai-nin na ninkhi.

haiku taiyonnaraba

taiyonnaraba

taibangpal asida ei

kangaonare hey

Huranbagi heijrang

Ei heijrangni

Huranba amagi heijrang ni ei.

Eibu loukhat-piduna

Yepsinbire huranba asina

Magi segaigadarouba yetki pikhao manung aduda

Eihakpu.

Eidi soiinabani

Kaknabani lennabani

Touwigumbasung ethou touningdare

Houjikti.

Toururabadi ethou

Aloogi nupa asisu loiba tare

Magi unsa faoba lenbiba tare soiibiba tare

Nungaite.

Eidi heijrangni

Huranba asigi heijrang ni eidi.

Ubidre

Chatli adubu eibu pubiduna

Lambi kaya kaya, mahakna chatli leppa leitana

Eidi ude.

Tapthakhi

Thanglamba khongthang

Hangat-haanda chatkhi mahakna koirok koina

Mafam amada.

Faklang manli

Funn laona mahakna chongkhatkhi

Upsinsduna noomityoongbi goom sit-sittuna amuk chatli

Kadaibu oiragaba?

Eidi heijrangni

Huranba asigi heijrang ni eidi.

Sattokpikhi

Futt laona eihakpu

Mamlaba kaa amagi manungda

Leirankhi akhoi.

Marupsing

Eigi ee manaba khulai khara

Mahakna louthorakkhi oiromgi pikhaodagi

Thabak houwi.

Yengngi

Suktoklaga amuk cheplaga amuk

Touruiba thabak asinadi laigi thabak nattabanina

Mahakna yengngi.

Eidi heijrangni

Huranba asigi heijrang ni eidi.

Khottatli

Lenthatli mahakna uppu adubu

Thabak yangsilli yaosilli akhoisu ethou amagum

Mateng pangsilli.

Leirammi

Sel  kaya sana lupa kaya firol kaya

Hui angaoba mankhi huranba adu ngeihaktang

Makha chathei.

Loidri

Yamlaba sel sana lupa singduna hapchinkhi

Lenthatkhi segaikhi furit khangrao leinamlaba finungfi singduna

Machu machuni.

Eihakti heijrangni

Huranba asigi heijrang ni eihak.

Adubu

Thabak loiraga ngeihak leiraga

Ei amasoong eigi marupsingbu langthok pirammi

Nungsi khangdana.

Khongbanduda

Yet-oi khangdakhei akhoi tahoukhi

Kang-khoi chaiduna leingak leitraba mapu leitraba

Manipur miyamgum.

Huranba!

Huranba nangda siro!

Huranba nangda khudi thiduna siro!

Pellage akhoi.

numitki mangal

Famli eina chaoraba sorok asigi chidaisida
 

Inglaba numidang gi nungsitsinasu na yeirari 
fijol fajana thonba ngamdraba hakchang asida
 

Sandhyada takhhiba nongdunasu 
saruta ngairaba unsase pura chothanbire
 

Inglaba hakchang seeda sagatnaba tasinduna famjabani
 

Nokpiraganu eingonda amuk tolaba jibani haiduna
 

Nangna eingonda amuk utpiranu minungsi
 

Leitare eingonda apamba amata
 

Eina ningjabadi numidang asina loikhraga 
thoklakpa anouba numitki mangalta fangjabani

Amamba ahangba

Khallak-tene nongmata punsigi panthungfam
Ngeihak-ki nungaibana oiragadra punsise
Taibangsu mamsinkhare nisagi marumda
Wakhalsu ahangba-lakta kangaona-duna leikhare

Chatli ngasisu eina lambisida
Amamba ahangba mayamsigi marak-ta
Tasengna pellaktare eibu mayamse
Amamba ahangba mayamsigi marak-ta

Awabani awaba awabagi awaba
Wabu wabara ahangba-lakta elibabu
Amamba maraksida udare karisu
Wakhal-sinabu penthokpa yaragadra punsise

Nanglak-liba ekaibasing, awabagi cheithengsing
Tasengna khallaroidra eibu mayamse
Khallabasu amamba ahangba-lakta tinkhare
Lammuknare eihakse amamba ahangbalaksida

ahanba

changyeng