Maikhansigi marumsida

/ /

Maikhansigi marumda lumli,
     eihak punsigi marek mahao louri
Maikhan asina leiramdrabadi wajei
     naronda kari tougani kijei |

Wanglaba sambal, tharaba fucklang
Leiramdrabadi maikhan asi
Eidi norok taramba tare
Eidi ekai meichak, meihouramba tare |

Laori, khongli, oinajari, pennajari
channari, nungainari, tounari, chatnari,
hatnari-soonari, noksinnari, kapsinnari, ngangnari
Amangba marakta poot-thanari
Paath-thi komthi lakta iraknari
Hing-gai namba marakta namm-nari
Hingnabagidamak, chatnabini-hounabini
Makhoigi maikhan marumda |

Maikhansigi marumsida mangli manglan
Punsigi panthungfam ||

Leibak macha

/ /
Hourasira yahou houjikpu, sendrang makhon yen makhon
kayaga loinana anouba numit amuk yakaire, adubu keidouruni
Leibak Macha eihakna asuk nganna hougatlaga; hougatkadabagi
saruk manglan kharaga sagatkhige; chariba, thakliba, kappiba,
khudingmaksu eidi kathok-khrabani; aduga houbu-houraba
yahou, uragani soidana yengningdraba oja, lai, amasung atei
leibak-ki macha mayam ama — aduna makha tadabida feijup
asi chingkhat-tuna ei, ngeihaktaga chepkhige

Hek hougatpada famelda kheini-churuppu leirammadi numit
ama houba yajariba Leibak Macha eini; palem ema ebemmana
chak tusu loisinbirammadi, chakkhom khara hukchillaga eikhoigi
klubki pukhri mapanda yoongba rellingda — sembang na eikhoigi
mayai kada, yachang-ngakpada makhel langba makhei yan-bagum
— eihaksu emanaba sing-ga yalluba yarabani

Nongmagi, nungtigi, toupham thokpa kharadudi touhouge;
meena tourakpa thabakta seedha-houdrabadi, makhoibu
thana-houdrabadi numit adu nongthi-nongmangbada kaikhiba,
nakhiba hakchang sarukta fudhorakpagum faojariba Leibak Macha
eihakna kanabu chittharammage, kanabu khut tharamdrage;
masigumbasing asibu toudragadi eibu eini esana esabu
karam-haina haigadourige

Kayam kanna’ bu hotnariba makhoina: daktar, engineer,
ukil, oja-nungja; thagatluraga naapal chaokhi-nabani,
masa chadana matu choongba makhoina fakhraga
Leibak Macha eingonda karibu kannariba; aduga mee
ateinasu tounadaba natte — meebu chang-hat-hatpana
eikhoigi furupki chatnabini, khunnai amada hinglabadi
chatnabising asibu yaorudaba, thugairuba yaba pot natte

Makha leikairomgi oja mayamdusu thoraklabadi mee kana
amata yengda, nongmagi kummei houba yarabani; yakairol
oina Saikul lomdagi porakpa mana-masingdura, Moreh
lomgi makup-singdura khara tousillabadi penjaradabani;
eikhoina chariba nattaba chinjak mayam asi leibak kidamak
chajabani — henjinduna sirabasu, soklaktuna sirabasu,
sibei-siba leibak ki damak sigadouribani haiduna Leibak Macha
eihakna chetna wasakcha-khrabani

Nungaibagi, tangdu leitaabagi chang olliba sen-gadu khara
leirabadi habi-jabi, hen-ten, karino thabak amatang touge
haina khallaklibasi kuirabani, adubu nongdamba manasu
tambiramdare Leibak Macha eingonda; keidouruni sigadaba
punsini, ngeihak nokni, ngeihak kapni — see’ mangaidana
hingba haibabu; touwigumbasung kamandogado amuktang
oijarabadi, thikadargado amuktang oijarabadi, gormen’ skoolgi
ojagado amuktang oijarabadi....

Taibangpal asi fagini adubu, mayamna hainabagi matung inna,
lan-thumna asengba oiramle eikhoi miyoinabana khanba-ngambagi
mahei; masigumba mayam asi khangnaba, Leibak Macha eina
thajabadi khunnaigi mayokta leiba mathou tai; toubatabu khutta
paiba etaogi, yada hookpa echagi, kutlaobana eigi

Haire watathi, haidre wa mang-ngi; kannade makha tarubagisu;
kalendana saade, ingthamthadana ingde nongallakpagi matamsidi
karibu hairuni, Leibak Macha eingondadi nungaijakhare, matam
haiba mahousagi khongleisi angakpani.


Yong choirol

/ /
Matam amada
machin tongba
hanubi amana takpirammi
Matam amada
laiga miga samnarammi
Matam amada
amuk kainakhi
mina akampet ngangmanbadagi

Nongmei ama-mam
yepladuna makhwangda
makhoina hairambadi
mikha pondaba
madom lepchaba ngamba
tangdu leitaaba khunai ama sembani
Toubatabu niriba senpham adu
mantiknabi-dabani

Miraokholaktuda
miyamna laoribadi
makhutna paiduna makhwangda
leiiradi yonjage, yolladi leiijage,
thadajage bhot-tusu mirep leitrabasu,
yurem thakpa-thaktabagi,
wakhal mirang thangbagi
warisingduna ama oikhraga

Sana konung manungda
leingakpasingdi nungairi,
Oktaba-oktabi
kaya loinaduna, oinajari
A-oba amangbana thallaba
taibang ama semli

Ateidi mi natre
yong eigi mityengda,
aduga hairamlabasu hanubiduna
lamdam asida houjikti
onkhare lai,
angamba-akanba kaya ama
miyoiba kaya amasu leire
yong eiga chap mannaba

Yong eina pambadi
mapok sida mi oina poklamdrabasu
migi maikhum uptuna
mi amuktang onjage,
u-sa maraksida
chong-chongduna,
amuktang oirabasu miyoibani haijahouge.

Numidang wairamda koiba chatluba

/ /

Gari mataduga Bamon Leikai gi thong-gi khungamduga
Eina Tombada hai', kumnaba
Ma' kumtharagadi thougatpa ngamgani eina
Ta'Enao workshop tagi second hand da leijaba eigi scooterna
Moan ani-animuk loomlaba akhoinibu poo-thang-ngamdrabada
Khekna houna makhol thoklak khibani motorduna turel mapanduda.


Tapna thouwi amuk, yotki thong mathaktuda
Thoudei amuk, laimai haifet manaba lambifaoba
Khang-houdana huinao kharana tunglomdagi khonglak-khi
— Bow bow! Bow bow!
Khangprek hek khang-ngi 
Tongkhat ke touramba Tombasu phan laona chong-thakhi.


Huinao mayam adudagi machin tongba, maya chouba amana laorakkhi:
"Akhoi hui ni, nakhoi kanano?"
Kallapna mahakna amuk Tomba romda onsinduna samtharak-khi:
"Nahak keidoubagi gari dagi kumthahourino?   
Nahak keidoubagi gari da amuk tongkhatlibano?"
  
Tangaifadana tamjakhi akhoigi awaba
Khangbikhi akhoigi wari, hui oijarabasu meeron lonbanina.
Akhoini amuk thouwi scooter, waa amata ngangnada






Kurak langtaiba

/ /

April su yourakle
Kalensu loiinarakle
Sajibudi yumda leihoure
Ching kabasu kaokhare
Thajadaba marakta mangkhare
Thajadaba ngak' ngai-khare


Tha masingna langtaiba
Matamna manaba
Khoidou saogatpana ahenba
Achumbana aranba,
aranbana achumba


Tatkhrasanu
Chelliba matamgi echel
Mangkhrasanu
Matamsigi wakhal.


Anouba chahi
Anouba mayon









Meitei uchi

/ /

Nang-gina ama leibani 
Meegina ani leirammi
Meitei uchi, 
Koonduna leikhrabra nakonduda.


Ho Meitei uchi
Matam amagi angamba 
Matam amagi akanba
Nangdi koonduna leikhrabra.


Amanba school amadagi porakpa bhorra mayam
Moreh dagi porakpa morok mayam
Churachandpurdagi kang-hallaga porakpa keehom mayam
Leire, Meitei uchi, thoklak lo chik-oo laklo.


Nahanwaidi afaoba sha saramdai
Yengningdabadagi eihakti uchi kalak yoom mei thai
Pende haibabu, mayamnadi nakonda leikhare hai
Kannade thoklak-u, ngaklo lak-o uchigi mai.

Lai marakta mee

/ /

Amadusu kappi, atoppadusu hallak-e
Amaduna amuk hallak-e, atoppaduna amuk kapp-e
Amana halli, atoppaduna henjilak-e
Amana henjillak-e, atoppaduna amuk henna henjillak-e,
Chelli akhoina makhoigi marakta,
Leppaga chelli
Fammaga chelli
Uppaga chelli
Long ngaga chelli
Akhoina chelli
Haina humduna
Yetta amuk
Oida amuk
Akhoina chelli
Lai fataba anigi marakta
Lai khara fattaba
Lai khara henna fattaba
Fattaba mannaba ngak ngairaba khangdare
Khangdare karambana karambano
Chenbatana akhoigi ethouni.

Kom

/ /

Nungsiraba echin-enaosing, mathou pangthok-hanbiyu
Mathou pangthok-hanbiyu yopak-berchaandsingdu
Touubikho, leibakto kharaga loona touubiyu
Leibakto kharaga laona touubiyu.


Ngasidi yamkhare potcheisingse akhoina phoomgadouriba
Mei thagadabasu lairik tamningdaba angangsingna
Meikhet-kerosene pooraga chatkhare loina
Touubikho, leibakto kharaga loona toubiyu
Leibakto kharaga laona touubiyu.
Contractor-ojasu khara yengsingbiyu
Pigadaba shen mantiknajaroi, 
Delhi dagi louthajagani, nijagani, haijarugani.


Ngasidi phoomlasi, matamse amuk chonthararoisi
Amuk hanna uraroidaba mawongda phoomlasi
Akhoi pelle. Pelle okhak pelle. 


Poongpham-sida, mafam asida
Tata gari niphu-yangkhei laklagani
Kumon asibu mapung fanaba
Maiba maibi chang-ngoi, eiga-bamon amata lakloi
Ngasina aroiba numitni akhoigi
Akhoigi lai mayam, akhoigi feijom 
Akhoigi eming, akhoigi wakhallon 
Akhoigi sana-lupa, akhoigi korfu-kompak
Akhoigi chatnabising, akhoigi suningdabasing
Maraa yaodabei-yaodaba, loinamak fook-tatlasi 
Chaoraba kom asida loinamak phoomkhrasi.


Tadaba natte, udaba natte
Wakat meepham kaya nahandagi
"Awot-aopa saba mahak ahakpa cheirak pibiyu"
"Meegi lai feijom thoktokpiba mahak warak-watembiyu"
Kanadabu hairiba, kanadabu wakatliba
Wakatpa haiba waheisida amuk pibiranu ikaiba 
Poraklo, poraklo fuck, yoobi, karnat, dhuk-thaomei
Mayam adusu phoomkhrasi.

Kakthok kaksin... haiku haiyoba?

/ /

Labuk marakta Imphal
Feb 27 2011

Labuk leitabei'
Oikhi Imphal na Imphal
Lawai na lawai.
_____________________________________________________________

Haiku waraklaktagi
Feb 27 2011

Warakki kabi
Haiku kaya'ma ekhi
Masing thiduna.
_____________________________________________________________

Makhon amasoong manam
Feb 27 2011

Bamboola makhon
Bombgi, nongmeigi makhon
Moigina manam.
_____________________________________________________________

Aroomba thangbaa
March 1 2011

Chelakk-khi kanna
Famthei nangboi nangdaboi
Sor honba kaokhi.
_____________________________________________________________

Apamba
March 1 2011

Akhoi keim' pamde
Nongmei, peisa amata
Grass khitta thak k.
_____________________________________________________________

Kolom meina chingba
March 1 2011

Meina chingkhare
Noidi ikang thokkhare
Ball pen, fountain pen.
_____________________________________________________________

Commando haiku
March 1 2011

Oiningde doctor
Oijaningde engineer
Oige commando.
_____________________________________________________________

Naharon haiku
March 1 2011

Thoklase meekap
Laaklage khaiba peisa
Langlaklage bomb.
_____________________________________________________________



Waa khangba seireng

/ /

Nungaijakhi, penjakhi
Nungdang athengbaduda
Seireng mayam adugi marakta
Eina chenduna chongduna saanabadu
Mayam dugi marakta
Chin-ganba, yang kangba amana
Eigi khudangda taap laona pairaga tamlak khi:

"Areppa leitana sitlakliba nungsittagi
Akhak araobana thallaba atiyadagi
Akangba machet amata leitraba leimaisidagi 
Ngakthokli eigi waheisingna eibu
Ngakthokli 
Hanna ngakthokli

"Eina it-li
Eina fengli
Eina mayaa thouri

"Eigi wahei maraksida lan yaode
Eigi wahei maraksida kangtrook yaode
Yaoriba haibabu 
leptuna leigadaba nungsitsing yaori
leitaana leigadaba atiya yaori
kung-laga leigadaba leibak yaori."



Mannaba-manadaba mayamgi marakta...

/ /


Ching ga wangba mannade tam
Lairabaga mannade enakhunba
Angangbaga mannade asangba
Awabaga mannade nungaiba
Irilga mannade Nambul
Leingakpasing ga mannade meeyamsing 
Nongmeiga mannade numberfour

Mannadaba mayamsigi marakta
Mannadaba ngak' ngaikhare
Mannaba amata leitare
Mannaba haibabu
Naosum eseiga mannakhare miraokhol
Asibaga mannakhare ahingba
Mapuga mannakhare huranba
Aranbaga mannakhare achumba
Shaga mannakhare meeyoiba.

Mannaba-manadaba mayamgi marakta...
Punsigi wahanthok pibire hingbatana
Asibagi lambisu yatkhare echum-chumna
Sengdaba-oidabasingna oikhare asengba aoiba
Henkhare loomba matlaga fangba potcheina
Mannaba-manadaba mayamsigi maraksida...
Akhoigi lambi kadomdano?

Toom-minna leiba

/ /
Lotkhrabra nakhoidi
Natraga lottuna thambikhrabra
Mayam nadi thinnari
Khwairamband keithelgi kachin-koya da
Loktakpat ki ereinungda
Wanglaba Koubrugi wangmada
Siroylilygi leinanungda.



Lotkhrabra nakhoidi
Natraga lottuna thambikhrabra

Hui mayamna khongduna tankhrabra
Chahi taret khuntak-lingeigum
Kwakna khongbadagi chenkharabra
Japan lan gi matougum
Natraga khurak ki eena lai sabadagi
Aroiba yaheep tankhrabra
Wahanggi wahang maraksida
Paokhumsingdi pikhamnakhare



Lotkhrabra nakhoidi
Natraga lottuna thambikhrabra

Leikrak chatlaba leiraigum
Akangba asida eesu khak khare
Anaba kaya amana patla-poomlaga
Chentharakpa mahi singnadi
Thoomkhare, thoklakle echao



Thajaba

/ /
thenglabasu,
meeraokhol taddraba
nongmeigi makhol tadraba
kappagi-laobagi makhol tadraba
matam asidasu chetna leiri
thajabana thajari
thagi marumda lumliba ayuk kum
thoklak khini
anganba mangal marakta
nungai yaiphaba
kaya kaya tapna thoklak khini.

Songs of desires

/ /
2010 da ekhiba seireng sing... Manipuri - Meiteilol seireng su khara yaokhi...



Related Posts Plugin for WordPress, Blogger...
Creative Commons License Numit Kappa - Meiteilon Seireng by Arambam Kapil (A COLLECTION OF POEMS IN MANIPURI) is licensed under Creative Commons Attribution-NonCommercial 3.0 Unported License
 
Copyright © 2010 Numit Kappa, All rights reserved
Design by DZignine. Powered by Blogger